IniciosociedadeDenuncian unha nova marxinación sanitaria na Mariña: as mamografías complicadas son derivadas...

Denuncian unha nova marxinación sanitaria na Mariña: as mamografías complicadas son derivadas ao HULA

A Plataforma Sanitaria di que ata agora todos os estudos complementarios facíanse no Hospital da Mariña.

Publicada o

- Advertisement -

A Plataforma sanitaria da Mariña denuncia que un gran número de mulleres están sendo derivadas cara ao HULA  se as mamografías do cribado de cancro de mama resultan dubidosas ou sospeitosas, para a realización de probas complementarias, coma ecografías, que ata agora se viñan facendo no hospital da Mariña.

“Nestes cribados habitualmente xenéranse un gran número de casos que precisan da realización de probas complementarias para completar o diagnóstico e que se facían no propio centro mariñao”, apunta a entidade nun comunicado.

O colectivo sanitario advirte que esta é outra agresión máis á sanidade pública da comarca e ás mulleres mariñás por parte do goberno da Xunta, “que de novo alonxan os servizos sanitarios públicos das veciñas e consideran ás persoas  da Mariña como cidadás de segunda clase, sen acceso aos servizos máis básicos cerca do seu lugar de residencia”.

Segundo comenta a coordinadora da Plataforma, Montse Porteiro, o servizo de radioloxía do hospital da Mariña leva moito tempo “ a medio gas”, ao ter dúas prazas de radiólog@  sen substituir, despois da xubilación dunha das profesionais e o traslado de facto da outra facultativa, “razón que probablemente ten influencia nesta nefasta decisión de trasladar ao HULA a realización destas probas complementarias,que multiplican o grado de sufrimento e medo das mulleres que precisan confirmar se padecen ou non un cancro”.

DERIVADOS DO HULA

As colonoscopias que se realizan tras o positivo na proba de cribado para cancro de colon foron as primeiras que se derivaron ao HULA,malia dotación de dúas equipas de endoscopias que existe no centro mariñao.

“Se ben no seu día o Sergas alegou que estas derivacións respondían únicamente a razóns técnicas relacionadas cos equipos tecnolóxicos, desde este colectivo cremos que é unha estratexia máis do goberno galego para baleirar de contido os hospitais das áreas máis periféricas, en favor dos macrohospitais construídos nas capitais , seguindo a súa folla de ruta de centralización nas urbes da sanidade pública”, conclúe.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...